Bandera de Colombia

Bandera de Colombia
Datos
Entidá	Colombia
Fecha d'adopción	26 de payares de 1861 (162 años)
Proporción	3:2
Colores	mariellu (#FCD116)      azul (#003893)      bermeyu (#CE1126)
Elementos representaos	campo (es) (mariellu, azul, bermeyu)

La bandera de la República de Colombia ye'l pabellón que representa al país, y que, xunto al escudo y l'himnu nacional, tien la categoría de símbolu patriu. Consiste nun rectángulu estremáu en tres franxes coloriaes colos colores primarios, ocupando la cimera la metá d'ésti.

El pabellón de Colombia tien el so orixe na composición tricolor creada en 1801 pol xeneral venezolanu Francisco de Miranda, quien describía nel so diariu militar l'usu de los colores primarios como bandera pa representar a les naciones llatinoamericanes qu'entós daquella taben en procesu d'independencia y terminó representando a la Gran Colombia.^[1]

Estos colores fueron adoptaos de forma socesiva polos Congresos de la Gran Colombia, el 17 d'avientu de 1819, y de la República de la Nueva Granada, el 9 de mayu de 1834. La disposición actual de los mesmos foi adoptada de forma definitiva'l 26 de payares de 1861, y la so reglamentación dada per mediu de los decretos 861 del 17 de mayu de 1924 y 62 del 11 de xineru de 1934.^[2]

La bandera como símbolu nacional ye emplegada pol Gobiernu ya instituciones estatales, con distintes variantes na so confección según l'usu que se-y dea per parte de los cuerpos diplomáticos, civiles o militares.

1. ↑ Error de cita: La etiqueta <ref> nun ye válida; nun se conseñó testu pa les referencies nomaes Banderacol
2. ↑ Presidencia de la República de Colombia. «Decreto 861 de 1924 y decretu 62 de 1934». Consultáu'l 19 de setiembre de 2009.